Deyəsən, Xankəndi şəhər stadionunda futbol matçı izləməyimizə çox az qalıb.
Bunu son günlər gedən proseslərə əsasən demək olar.
İlk öncə "Qarabağ" rəsmiləri adıçəkilən arenada olub, son durumla yerində tanış olmuşdular.
Ardınca AFFA və PFL nümayəndələri də Xankəndinə baş çəkib.
Məqsəd ən qısa müddətdə "Qarabağ"ın bir neçə ev oyununu Xankəndi stadionunda keçirməsinə nail olmaqdır.
Ən son isə Azərbaycan dövlət televiziyasında Xankəndindən hazırlanmış kadrlarda 15000 tutumu olan futbol məbədi ilə bağlı fikirlər diqqət çəkib.
Həmkarımız arenanın son görüntülərinin əks olunduğu videosujetdə "Xankəndi futbol stadionun yaşıl meydançası Azərbaycan Premyer Liqasının oyunlarını gözləyir" - deyə bildirib.
Həmin görüntüləri sizə təqdim edirik:
XANOĞLAN / SPORTİNFO.AZ
