“Qarabağ”ın baş məşqçisi Qurban Qurbanova ədalətli oyun prinsiplərinə görə verilən ən nüfuzlu idman mükafatı “Jean Borotra World Fair Play Career” ilə təqdim olunub.
O, mükafatı Beynəlxalq Feyr-Pley Komitəsinin (CİFP) Macarıstanın paytaxtı Budapeştdə təşkil olunan təqdimetmə mərasimində alıb.
Qurbanov karyerası ərzində ədalətli oyun prinsiplərinə sadiqliyinə görə verilən bu mükafata layiq görülən ilk azərbaycanlı kimi tarixə düşüb.
Təcrübəli mütəxəssisin bu uğuruna sabiq futbolçusu, yaxın dostu Rəşad Sadıqov da biganə qalmayıb.
Hazırda “Zirə”ni çalışdıran “Qarabağ”ın keçmiş müdafiəçisi öz instaqram hesabından Qurbanovla bağlı paylaşım edib.
O, Qurban Qurbanovun mükafatını aldığı yerdə olan fotosuna “Mənim ədalətli qardaşım” başlığın seçərək izləyiciləri üçün paylaşıb.
Qurbanov UEFA Avropa Konfrans Liqasının 2022-ci ildə keçirilən pley-off mərhələsinin “Qarabağ” – “Marsel” matçında İbrahima Vadjinin əllə vurduğu qolu ləğv etdirib.
2015-ci ildə “İnter”lə Premyer Liqa, üç il sonra “Kuban”la yoxlama oyununda hakimlərin səhv penalti qərarından sonra futbolçulara zərbəni qeyri-dəqiq vurmağı tapşırıb.
XANOĞLAN / SPORTİNFO.AZ
