Tanınmış hücumçu Halk Braziliyanın “Atletiko Mineyro” klubundan ayrıla bilər.
Sportinfo.az xarici KİV-ə istinadən xəbər verir ki, 39 yaşlı futbolçunun xidmətində ölkənin digər təmsilçisi “Botafoqo” maraqlıdır.
Bildirilir ki, “Botafoqo” artıq Halkın mümkün transferi ilə bağlı danışıqlara başlayıb.
Braziliyalı hücumçu 2021-ci ildə Çinin “Şanxay Port” klubundan azad agent kimi “Atletiko Mineyro”ya keçib. Onun klubla müqaviləsinin müddəti 2026-cı il dekabrın 31-nə qədərdir.
Halk cari mövsümdə bütün turnirlərdə 61 oyunda meydana çıxıb, 21 qol vurub və 8 məhsuldar ötürmə verib.
