PSJ FIFA Qitələrarası kubokunun sahibi olub.
Sportinfo.az xəbər verir ki, Paris təmsilçisi Qətərin Əl-Rayyan şəhərindəki “Əhməd Bin Əli” stadionunda keçirilən həlledici görüşdə Braziliyadan “Flamenqo”nu üstələyib.
PSJ-nin vingeri Xviça Kvaratsxeliya 38-ci dəqiqədə hesabı açıb. “Flamenqo”nun yarımmüdafiəçisi Jorjinyo 62-ci dəqiqədə penalti zərbəsi ilə hesabı bərabərləşdirib.
Qarşılaşmanın əsas və əlavə vaxtı 1:1 hesabı ilə yekunlaşdığından qalibi müəyyən etmək üçün penalti seriyasına ehtiyac duyulub.
Burada daha dəqiq oynayan (2:1) Luis Enrikenin baş məşqçisi olduğu kollektiv Qitələrarası Kuboka sahib çıxıb.
PSJ tarixində ilk dəfə Qitələrarası kuboka sahib çıxıb.
