Kolumbiya yığmasının vingeri Luis Dias DÇ-2026-nın seçmə mərhələsi çərçivəsində Braziliya üzərində qazanılan qələbəni (2:1) şərh edib.
Sportinfo.az xəbər verir ki, 26 yaşlı hücumçu qalibiyyəti naməlum şəxslər tərəfindən qaçırılan atasına həsr etdiyini bildirib:
“Bəli, meydanda atam haqqında düşünürdüm. O, çətin anlarda həmişə düzgün münasibət göstərirdi. Bu məqsədlər, bu qələbə onun üçündür”.
Diasın valideynləri oktyabrın sonunda Kolumbiyada qaçırılmışdı. “Liverpul”un futbolçusunun anası dərhal azadlığa buraxılsa da, atası hələ də tapılmayıb.
