Dünya çempionatının açılış matçında Rusiya millisi Səudiyyə Ərəbistanı yığmasını 5:0 hesabı ilə darmadağın etdi.
Matçda 1 qol və 2 assistlə damğa vuran rusiyalı yarımmüdafiəçi Aleksandr Qolovin açıqlama verib.
Sportinfo.az xəbər verir ki, Moskva ÇSKA-sında çıxış edən 22 yaşlı futbolçu qələbə barədə fikirlərini bölüşüb:
"Özümü bu qələbənin memarı kimi görmürəm. Komanda şəklində yaxşı oynadıq. Səudiyyə Ərəbistanını macərapərəst komanda olduğunu bilirdik və bundan yararlandıq"
Qolovin adının "Yuventus"la hallanmasına da münasibət bildirib: "Yuventus"un mənimlə maraqlanmasından qürur duyuram və buna çox sevindim.
Ancaq indi dünya çempionatına köklənmişəm. "Yuventus"da yaxşı futbolçular var. Ən çox Paulo Dibalanı bəyənirəm. Çox yaradıcı futbolçudur".
