FİFA-nın Rusiyada keçiriləcək dünya çempionatından nə qədər gəlir götürəcəyi açıqlanıb.
Sportinfo.az xəbər verir ki, ali futbol qurumu mundialdan 6,1 milyard dollar qazanc əldə etməyi planlaşdırır.
3 milyard dollar təkcə yayım hüququndan gələcək. FİFA həmçinin, sponsor anlaşmaları sayəsində büdcəsinə 1,65 milyard dollar əlavə edəcək.
FİFA DÇ-2014-dən 4,8 milyard dollar, CAR-dakı mundialdan (2010) 3,9 milyard dollar, Almaniyada keçirilən 2006-cı il dünya çempionatından isə 1,9 milyard dollar gəlir götürmüşdü.
