Argentina prezidenti Maurisio Makri ölkədə yaranmış iqtisadi böhran səbəbindən dünya çempionatında iştirak üçün Rusiyaya getməkdən imtina edib.
Sportinfo.az xəbər verir ki, bu barədə mənbəyə istinadən "Nacion" nəşri məlumat yayıb.
Bildirilir ki, Makri üçün hazırda ölkədəki çətin iqtisadi vəziyyəti yoluna qoymaq ən vacib məsələdir. Son bir neçə gündə Argentina pesosunun məzənnəsi ABŞ dollarına nisbətdə tarixi minimumuna düşüb. Makri yaranmış vəziyyətlə əlaqədar Beynəlxalq Valyuta Fondundan yardım istəyib.
