Braziliya millisinin baş məşqçisi Karlo Ançelotti Neymarı dünya çempionatı üçün yekun heyətə daxil etmək qərarına gəlib.
Sportinfo.az “The Touchline”-a istinadən xəbər verir ki, italiyalı mütəxəssis gözlənilməz addım ataraq 34 yaşlı hücumçunu yenidən “sambaçılar”ın sıralarına qaytarıb.
Hazırda “Santos” çıxış edən Neymarın son illərdə yaşadığı zədələr və qeyri-sabit performansı onun mundiala gedib-getməyəcəyi ilə bağlı ciddi şübhələr yaratmışdı.
Braziliya millisinin yekun sifariş ərizəsi mayın 18-də açıqlanacaq.
Neymar 2023-cü ilin payızından bəri milli komandanın heyətində meydana çıxmayıb.
11 iyun-19 iyul tarixlərini əhatə edəcək mundial ABŞ, Kanada və Meksika olmaqla üç ölkədə keçiriləcək.
Turnirə 48 komanda qatılacaq. Braziliya millisi mundialın qrup mərhələsində Mərakeş, Haiti və Şotlandiya yığmaları ilə üz-üzə gələcək.
