FIFA İran millisini 2026-cı il Dünya Kubokunda iştirakdan imtina etdiyinə görə minimum 320 min dollar cərimə edə bilər.
Sportinfo.az xəbər verir ki, turnir qaydalarına əsasən, yarışın başlamasına 30 gündən az müddət qalmış geri çəkilən komandalar 250 min İsveçrə frankı məbləğində cərimə olunur.
İranın idman naziri Əhməd Donyamali artıq ölkəsinin turnirdə iştirak edə bilməyəcəyini açıqlayıb.
11 iyun-19 iyul tarixlərində ABŞ, Kanada və Meksikada baş tutacaq mundialda İran G qrupunda Belçika, Misir və Yeni Zelandiya ilə qarşılaşmalı idi.
Komandanın hər üç oyununun ABŞ-də keçirilməsi planlaşdırılırdı. İranı hansı yığmanın əvəzləyəcəyi hələlik dəqiqləşməsə də, beynəlxalq mediada Rusiyanın turnirə dəvət olunma ehtimalı müzakirə edilir.
Daha əvvəl FIFA prezidenti Canni İnfantino Donald Trampın İranın iştirakını alqışladığını bildirmişdi.
