DÇ-2018-in seçmə mərhələsi çərçivəsində cavab pley-off oyunları keçirilir.
Sportinfo.az xəbər verir ki, bu gün növbəti mundialın daha bir iştirakçısının adına aydınlıq gəlib. Günün yeganə qarşılaşması Milanda İtaliya və İsveç yığmaları arasında baş tutub.
İsveçdə keçirilən ilk oyunda minimal hesabla məğlub olan İtaliya yığması bu məğlubiyyətin əvəzini çıxmağa ümid edirdi. Lakin dördqat dünya çempionu bunu bacarmayıb və qolsuz heç-heçənin ardından mundialdan kənarda qalıb.
