“CNS News” mətbu orqanında ölkəmizlə bağlı çoxsaylı müsbət məqalələrin müəllifi Ceykob Kamarasın “Azerbaijan’s Grand Prix Transcends Sports, Speaks to Religious Freedom” adlı yazısı dərc edilib.
Sportinfo.az xəbər verir ki, məqalədə son illər ölkəmizin uğurla ev sahibliyi etdiyi “Formula 1” yarışlarının məhz Ramazan bayramı ərəfəsində keçirilməsi Azərbaycanda olan dini azadlıq ilə əlaqələndirilir.
Müəllif qeyd edir ki, əhalisinin 90 faizi müsəlmanlardan ibarət olan Azərbaycanda hakimiyyətin dövlət və din arasında uyğun qurulması sayəsində dini azadlığın ən gözəl mənzərəsinə rast gəlmək mümkündür.
Müəllif Azərbaycan Qran-Prisinin yalnız simvolik səciyyə daşımadığını, sülh və birlik rəmzinə çevrildiyini qeyd edir.