.jpg)
"Gün bizim üçün uğurlu alındı. Çünki bu qədər rəqabətli olacağımızı gözləmirdik".
Sportinfo.az xəbər verir ki, bu fikirləri "Formula 1" üzrə Azərbaycan Qran-prisində sıralama turunun qalibi olan "Ferrari" pilotu Şarl Lekler deyib.
24 yaşlı sürücü bütün rəqiblərini qabaqladığı üçün xoşbəxt olduğunu bildirib:
"Komanda yoldaşım Karlos Sayns qəza keçirdi. Amma mən orada nə baş verdiyini görmədim. Ümid edirəm ki, bu, komandada ciddi problemə çevrilməyəcək".
Lekler sıralama turunda bolidinin yaxşı performans göstərdiyini əlavə edib: "Bizi çətin anlar gözləyir. Bakı Monako deyil, burada rəqibi ötmək olur.
Birinci yeri tutmaq üçün əlimizdən gələni etməyə çalışacağıq. Amma çətin olacaq".
Azərbaycan Qran-prisi iyunun 6-da başa çatacaq. Həmin gün ilk olaraq "Formula-2"də yekun mərhələ baş tutacaq.
Ardınca pilotların paradı, açılış mərasimi gerçəkləşəcək və Azərbaycan Respublikasının Dövlət Himni səslənəcək. Saat 16:00-da "Formula 1"də əsas yarış başlayacaq və yekunda qalib müəyyənləşəcək.
