""Qarabağ" artıq beynəlxalq yarışlarda öz sözünü deyib".
Sportinfo.az xəbər verir ki, bunu "Ludoqorets"in (Bolqarıstan) baş məşqçisi Qeorqi Dermendjiev Çempionlar Liqasının III təsnifat mərhələsinin "Qarabağ"la ilk matçı haqda deyib.
69 yaşlı mütəxəssis "Qarabağ"ın səviyyəli komanda olduğunu bildirib:
"Qurban Qurbanov 10 ildən artıqdır ki, bu komandanı çalışdırır və yaxşı kollektiv yaradıb. Ağdam klubu artıq beynəlxalq yarışlarda öz sözünü deyib.
Təbii ki, bizim də təcrübəmiz var. Gərgin və maraqlı oyuna şahidlik edəcəyik.
"Qarabağ" Azərbaycanda ən güclü klubdursa, "Ludoqorets" də Bolqarıstanda ən yaxşılardandır".
Avqustun 6-da Tofiq Bəhramov adına Respublika stadionunda oynanılacaq “Qarabağ” – “Lüdoqorets” görüşü saat 20:00-da başlayacaq.
