"Nəticə gözlədiyimiz kimi olmadı".
Sportinfo.az xəbər verir ki, bunu "Nürnberq"də debüt edən Azərbaycan millisinin futbolçusu Mahir Emreli şəxsi instaqram hesabında yazıb.
II Bundesliqada "Herta"ya qarşı VI turun matçının 39-cu dəqiqəsində meydana çıxan 27 yaşlı hücumçu məğlub olduqları üçün təəssüfləndiklərini bildirib:
"Uzun müddətdən sonra meydana qayıtdığım üçün sevindim. Təəssüf ki, nəticə gözlədiyimiz kimi olmadı.
Hamımız məyusuq. Artıq növbəti oyunu düşünəcəyik. Bu qarşılaşmada bizə dəstək olan hər kəsə təşəkkür edirik".
Matç "Nürnberq"in 0:2 hesablı məğlubiyyəti ilə bitib.
