Almaniyanın "Şalke-2" komandasında oynayan Azərbaycan millisinin sabiq forvardı Rüfət Dadaşov Regional Liqanın Qərb zonasında 19-cu turunun "Köln-2" (5:0) üzərində qazanılan qələbədən sonra yerli mətbuata danışıb.
Sportinfo.az xəbər verir ki, "Revier Sport"a açıqlama verən Dadaşov son turda vurduğu qolla komandasının qələbə qazanmasını şərh edib:
"Bu vəziyyətdə qol vurmağımız çox vacib idi. Stabilliyimizi qoruduq. Ola bilər ki, əvvəlki oyunlarda məhz bu çatışmırdı.
Qapının toxunulmazlığını qoruduq və indi qış tətilinə yüksək əhval-ruhiyyə ilə yollanırıq. Məşqçilər bizi yaxşı hazırlaşdırmışdı. Rəqibin nə istədiyini dəqiq bilirdik".