"Legiya" daha əvvəl Azərbaycan yığmasından təklif almış futbolçu Ramil Mustafayevi heyətinə qatıb.
Sportinfo.az xəbər verir ki, Varşava təmsilçisi Jeşuv "Stal"ından transfer etdiyi 19 yaşlı müdafiəçi ilə 2025-ci il iyunun 30-dək müqavilə imzalayıb.
2019-cu ildən "Stal"da çıxış edən Ramil Mustafayev bu mövsüm 13 oyuna 3 qol vurub. O, yeni komandasında 32 nömrəli forma ilə çıxış edəcək.
Keçidi ilə bağlı təəssüratlarını bölüşən Mustafayev bildirib ki, "Legiya"da oynamaq onun uşaqlıq arzusu olub:
"Mən Rusiyada anadan olmuşam. Amma valideynlərim daha sonra Polşaya köçüblər. 10 ildir Varşavada yaşayırıq. "Legiya"nın oyunlarına gedir, tribunadan komandanı dəstəkləyirdim".
.jpg)
