“Son olaraq “Bayrampaşaspor”da oynamışdım.
İndi isə klubsuzam. Azərbaycandan heç bir klubdan təklif almamışam”.
Sportinfo.az xəbər verir ki, bu sözləri sportal.az-a açıqlamasında Ege Atlam deyib.
"Beşiktaş"ın yetirməsi olan müdafiəçi Azərbaycanın U-17, U-19 və U-21 yığmalarında çıxış edib.
"Beşiktaş" yetirməsi olan Atlam Azərbaycan yığmasına cəlb olunmasını yada salıb:
“Azərbaycandakı menecerlər “Beşiktaş”ın oyununu izləməyə gəlmişdilər və məni görüb, bəyənmişdilər. Yığmaya cəlb olunmağım belə alınmışdı.
Türkiyənin aşağı liqalarında milli komandalara görə fasilə verilmir. Azərbaycan yığmasına qoşulduğumda isə 1 ay toplanış olurdu.
Bu isə Türkiyədə aşağı liqada 4 oyun deməkdi. Üstəlik milliyə yollanıb, orada oynamayanda klublar da bunu yaxşı qarşılamırdı.
Amma mənim klub seçimlərim də yalnış oldu. Təbii ki, ümidliyəm və sona qədər mübarizə aparacam".
"Gələcəkdə Azərbaycanın A millisində oynamaq arzum var. Allah qoysa, o da olar. Daha yaxşı yerlərdə olacam.
Azərbaycan klublarının Avropadakı çıxışlarını izləyirəm. Azərbaycan futbolu daha yaxşı olacaq deyə düşünürəm” deyə, Atlam fikirlərini yekunlaşdırıb.