Azərbaycan UEFA reytinqində mövqeyini möhkəmləndirib.
Sportinfo.az xəbər verir ki, bu, Çempionlar Liqasının 2-ci təsnifat mərhələsində “Sabah”ın Finlandiyadan “KuPS" üzərində qazandığı qələbə (1:0) sayəsində mümkün olub.
Bununla ölkəmizin hesabına daha 0,250 əmsal əlavə olunub.
Hazırda Azərbaycan əvvəlki kimi 26-cı yerdədir. Ölkəmizin ümumi əmsalı 20,312-yə yüksəlib. 25-ci pillədə qərarlaşan İsrailin 20,750, Azərbaycandan bir pillə geridə olan Slovakiyanın isə 18,750 əmsalı var.
Bu mövsüm Azərbaycan klubları təsnifat mərhələlərində keçirdikləri 7 oyunun hamısında qələbə qazanıblar.
