"Tottenhem" Avropa Liqasının əsas mərhələsinin açılış turunun "Qarabağ"la görüşünə itki ilə çıxacaq.
Sportinfo.az "Football London"a istinadən xəbər verir ki, London təmsilçisinə mərkəz müdafiəçisi Kristian Romero kömək etməyəcək.
26 yaşlı argentinalı 2022/2023 mövsümündə Çempionlar Liqasının 1/8 final mərhələsində "Milan"la görüşündə (0:0) qırmızı vərəqə alaraq cəzalandığı üçün "Qarabağ"la oyunu buraxmalı olacaq.
"Tottenhem" - "Qarabağ" görüşü sentyabrın 26-da "Tottenhem Hotspur" stadionunda keçiriləcək və Bakı vaxtı ilə saat 23:00-da başlayacaq.
