"Arsenal" qış transfer pəncərəsi zamanı heyətini yeni futbolçu ilə gücləndirmək istəyir.
Sportinfo.az xəbər verir ki, London təmsilçisi "Yuventus"da çıxış edən Duşan Vlahoviçlə maraqlanır.
"Topçular" serbiyalı forvard üçün Turin təmsilçisinə rəsmi təklif göndərəcək. İtaliya klubu futbolçusunu 60 milyon avroya satmağa hazırdır.
"Yuventus" Duşan Vlahoviçi 2022-ci ilin yanvar ayında "Fiorentina"dan transfer edib.
23 yaşlı hücumçu bu mövsüm komandanın heyətində meydana çıxdığı 16 rəsmi matçda 6 qol və 2 məhsuldar ötürmə ilə yadda qalıb.
