Qadın voleybolçular arasında təşkil edilən Qızıl Avropa Liqası turniri start götürüb.
Sportinfo.az xəbər verir ki, millimiz ilk oyununda səfərdə Belarus ilə qarşılaşıb.
Görüş meydan sahiblərinin 3:2 hesablı qələbəsi ilə yekunlaşıb. Qarşılaşmadan sonra açıqlama verən yığmamızın italiyalı çalışdırıcısı Covanni Kaprara komandasından razı olduğunu ifadə edib:
“Oyunçularımdan çox razıyam. Çünki sona qədər döyüşməyə hazırdılar. Yenicə birlikdə hazırlaşmağa başlamışıq. Düşünürəm ki, gələcəkdə hər şey daha yaxşı olacaq”.
Belarus millisinin üzvü Vera Klimoviç də fikirlərini bölüşüb:
“Yaxşı oyun idi. Düşünürəm ki, biz əsl gərginlik nümayiş etdirdik və nəticədən də razı qaldıq. İlk matçın evdə olması və azarkeşlərin dəstəyi bizə kömək oldu”.
