Azərbaycanın voleybolçu qadınlardan ibarət millisi bu gün Yaponiyada start götürən dünya çempionatına məğlubiyyətlə başlayıb.
Sportinfo.az xəbər verir ki, C qrupunda yer alan yığma ilk turda ABŞ kollektivinə uduzub 0:3 (27:29; 21:25, 21:25).
Faiq Qarayevin rəhbərlik etdiyi komanda sentyabrın 30-da Cənubi Koreya, (Bakı vaxtı ilə saat 11:10), oktyabrın 2-də Rusiya (08:40), ertəsi gün Trinidad və Tobaqo (08:40), ayın 4-də Tailand (11:10) yığması ilə qarşılaşacaq.
Qadınlar arasında voleybol üzrə dünya çempionatı 24 milli yığma komandanın iştirakı ilə sentyabrın 29-dan oktyabrın 20-dək Yaponiyanın 6 şəhərində keçiriləcək.
.jpg)
