Azərbaycan millisinin voleybolçusu Polina Rəhimova karyerasını İtaliyada davam etdirəcək.
Sportinfo.az xəbər verir ki, 28 yaşlı hücumçu A seriyasında mübarizə aparan “Kazalmadjore” ilə danışıqları müsbət yekunlaşdırıb.
Rəhimova artıq 1 illik müqaviləyə imza atıb. O, bununla da Cənubi Koreya, Yaponiya və Türkiyədən sonra İtaliyada da legioner həyatı yaşayacaq.
“Kazalmadjore” Polina ilə yanaşı, 2014/2015 mövsümündə Bakı “Lokomotiv”ində oynamış italiyalı Valentina Arriqettinin də transferini rəsmiləşdirib.
Peşəkar karyerasına Bakıda “Nəqliyyatçı”da (2005-2007) başlayan Rəhimova “Azərreyl”in (2007-2014, komanda voleybolçunun oynadığı son mövsümdə “Azəryol” adlanıb) uğurları üçün də çalışıb.
O, ardınca Cənubi Koreyada “Hyundai” (2014-2015), Yaponiyada “Toyota” (2015-2017) və Türkiyədə “Fənərbaxça”nın (2017-2018) formasını geyinib. (apasport.az)
.jpg)
