Bu gün qadın voleybolçuların Qızıl Avropa liqasında növbəti görüşlər olacaq.
Sportinfo.az xəbər verir ki, Azərbaycan millisi 5-ci turunda Portuqaliyanın qonağı olacaq.
Matozinyuşda baş tutacaq qarşılaşma Bakı vaxtı ilə saat 18:00-da start götürəcək. Görüşü Xose Luis Arrarte Mira (İspaniya) və Pedro Pinto Lopes (Portuqaliya) idarə edəcəklər.
Qrupumuzun digər oyununda isə Ukrayna Bolqarıstanı qonaq edəcək. Bolqarıstan və Azərbaycanın 9, Ukraynanın 6 xalı var. Portuqaliya hələlik fərqlənməyib.
