“Azərbaycanda zəngin voleybol ənənələri var.
Mənim də hədəfim təcrübəmi burada olan gənclərlə bölüşməkdir”.
Sportinfo.az xəbər verir ki, bu sözləri qadın voleybolçulardan ibarət “Milli Aviasiya Akademiyası”nın italiyalı baş məşqçisi Covanni Torçio yeni mövsüm barədə danışarkən deyib.
Təcrübəli mütəxəssis ölkə çempionatı və kubokda uğurlu nəticə qazanmağı hədəflədiklərini bildirib:
“Bu il Azərbaycan çempionatı çox maraqlı olacaq. Bunu komandaların reallaşdırdığı transferlər göstərir. M
ənim də məqsədim “Milli Aviasiya Akademiyası”nı yüksək yerlərə gətirməkdir. Bu klub çempionatda ikinci ilinə daxil olacaq.
Hədəfim mübariz kollektiv qurmaqdır. İnanıram ki, birgə əmək sayəsində bunu bacaracağıq”.
O, Azərbaycandakı həyat tərzindən də söz açıb:
“Bakıdakı həyatımdan çox razıyam. Burada ideal şərait var. Bakı şəhəri barədə isə yalnız xoş sözlər deyə bilərəm” (Azertac).
