“Qalatasaray”da dərd üstünə dərd gəlir

3 İyul 2020 11:20 Türkiyə 1 165
“Qalatasaray”da dərd üstünə dərd gəlir

"Qalatasaray” mövsümün qalan hissəsində nigeriyalı hücumçusu Henri Onyekurunun xidmətindən məhrum ola bilər.

Sportinfo.az xəbər verir ki, buna 23 yaşlı oyunçunun müqavilə ilə məxsus olduğu “Monako”nun məşqçilər korpusunun qəbul etdiyi qərar səbəb olub.

Belə ki, “Qalatasaray”ın bu ilin yanvarında icarəyə götürdüyü Onyekurunun İstanbul təmsilçisi ilə müqaviləsi iyunun 30-na qədər idi. Amma FİFA-nın koronavirus pandemiyasına görə qəbul etdiyi qərara əsasən, iyunda bitən müqavilələr mövsümün faktiki bitdiyi günə qədər qüvvədə qalmalıdı. “

Monako”nun baş məşqçisi Roberto Moreno isə, Nigeriya yığmasının forvardının yeni mövsüm öncəsi təlim-məşq toplanışında iştirakını istəyir. Futbolçu artıq sözügedən klubun hazırlıq prosesinə dəvət olunub.

“Qalatasaray” isə oyunçunun mövsümün tamamına qədər komandada qalması üçün qarşı tərəflə danışıqları davam etdirir. Artıq klub bu məsələ ilə bağlı rəsmi açıqlama yayıb və futbolçuya, eləcə də “Monako”ya heç bir borcun olmadığını bəyan edib. Yaxın günlərdə bu məsələyə aydınlıq gəlməsi gözlənilir.

“Qalatasaray”ı Super Liqa çərçivəsində qarşıda daha beş oyun gözləyir. Onyekuru bu mövsüm İstanbul təmsilçisində 12 oyuna çıxıb, 1 qola imza atıb, 2 məhsuldar ötürmə müəllifi olub.

“Monako”nun çıxış etdiyi Fransa Liqa 1-də yeni mövsümə avqustda start verilməsi gözlənilir.

Digər Xəbərlər
Xəbər Lenti