.jpg)
Türkiyədə koronavirusa görə 20 yaşa qədər gənclərə tətbiq olunan evdən bayıra çıxma qadağası ölkədəki futbolçulara da təsir edib.
Sportinfo.az xəbər verir ki, Superliqa komandaları ilə yanaşı, aşağı çempionatlardakı bir neçə klubun üzvləri də qadağa ilə üzləşib.
Superliqada “Sivaspor”un qapıçısı Muhammer Can Tuncer, yarımmüdafiəçilərdən Furkan Sağman və serbiyalı legioner Armin Djerlek qərara əsasən evdən bayıra çıxa bilməyəcək.
Ölkənin tanınmış oyunçularından isə Türkiyə millisinin və “Trabzonspor”un futbolçusu Abdulkadir Ömür, “Qalatasaray”dan Emin Bayram, “Fənərbağça”dan Allahyar Sayyadmaneş, “Başakşehir”dən Emre Kaplan qadağa ilə üzləşiblər.
Türkiyə Futbol Federasiyası Superliqanın ən yaxşı halda iyunda başlayacağını açıqlayıb.
.png)
