Məlum olduğu kimi, "Fənərbağça"nın prezident seçkiləri keçirilib.
Seçkilərdə klub rəhbərliyinə son prezident Ali Koç və Aziz Yıldırım namizəd olub.
Seçkilərin nəticələrinə əsasən, Ali Koç yenidən İstanbul təmsilçisinin başqanı seçilib. O, daha 3 il bu vəzifəni icra edəcək.
Ali Koç 2018-ci ildən "Fənərbağça"nın prezidentidir. O, Sportinfo.az-a eksklüziv açıqlama verib.
“Sarı-lacıvərdlilər”in prezidenti “Sportinfo TV”nin aparıcı-eksperti Elçin Cəfərovun vasitəsilə Azərbaycana təşəkkür mesajını çatdırıb:
"Salam olsun, Can Azərbaycana! Təbrikləriniz üçün çox təşəkkür edirəm.
Sizin vasitənizlə mesajımı çatdırmaq istərdim. Camiəmizə xeyirli-uğurlu olsun.
Çempionluqla yadda qalan yeni mövsüm olsun. Azərbaycanlı qardaşlarımıza, "Fənərbağça"lı dostlarımıza, böyüklərimizə salam və sevgilərimi göndərirəm".
