“Neftçi" ilə danışıqlar aparan Çağdaş Atan özünə yeni klub tapıb.
Sportinfo.az xəbər verir ki, 42 yaşlı mütəxəssis Türkiyə Super Liqasında çalışacaq.
O, "Kayserispor"la razılıq əldə edib. Yaxın günlərdə tərəflər arasında münasibətlər rəsmiləşdiriləcək.
Çağdaş Atan məşqçilik karyerası ərzində “Qaziantepspor”, “Kayserispor”, “Əskişəhərspor”, “Konyaspor”, “Alanyaspor”, “Yeni Malatyaspor” və “Beşiktaş” kimi komandalarda baş məşqçinin köməkçisi vəzifəsində çalışıb.
O, 2020-2021-ci illər aralığında “Alanyaspor”da çalışıb.
