“Fənərbaxça”nın sabiq futbolçusu Qreqori van der Vil maraqlı açıqlama ilə gündəmə gəlib.
Sportinfo.az xəbər verir ki, niderlandlı müdafiəçi İstanbul klubundan ayrılan zaman təhdid olunduğunu deyib:
“Fənərbaxça”dakı ilk ilimdən sonra ayrılmaq istədim. Həyat yoldaşım hamiləydi. Klub prezidenti tərəfindən təhdid olundum. Buna baxmayaraq, həyatımı riskə atıb, ayrılmaq məcburiyyətində qaldım”.
Van der Vil 2016-cı ilin iyulundan 2017-ci ilin sentyabrına qədər “Fənərbaxça”da çıxış edib. O, İstanbul təmsilçisi ilə 17 oyunda iştirak edib.
Karyerası ərzində “Fənərbaxça”yla yanaşı, Fransada PSJ, Niderlandda “Ayaks”, İtaliyada “Kalyari”, ABŞ-da “Toronto” kimi klublarda çıxış edən 33 yaşlı oyunçu 2019-cu ilin martından klubsuzdur.