"Sona kimi gözlədim, amma istədiyim təklif olmadı. Hamı “bu gün-sabah” dedi.
Müddət uzandı, məşqsiz qaldım. Belə getsəydi, özümə də çətin olacaqdı".
Bunu Sportinfo.az-a açıqlamasında "Sumqayıt"ın yeni transferi Vüsal İsgəndərli deyib.
2022/2023 mövsümünə hazırlaşan "Sumqayıt" ilk transferini gerçəkləşdirib. "Gənclik şəhəri" təmsilçisi ötən mövsümü Türkiyədə - "Keçiörengücü"də keçirmiş vingeri heyətinə qatıb.
27 yaşlı hücumameylli yarımmüdafiəçi ilə 2 illik müqavilə imzalanıb.
Vüsal İsgəndərli karyerası ərzində “Rəvan”, “Simurq”, “Zirə” və “Şamaxı”nın şərəfini qoruyub, Azərbaycan millisində 3 oyun keçirib.
O, müqaviləsindəki xüsusi bəndə görə rəhbərliyə minnətdarlığını bildirib:
"Düşündüm ki, indiki halda ən yaxşısı "Sumqayıt"la müqavilə imzalamağımdır.
Müqaviləmdə xüsusi bənd var ki, ölkə xaricindən təklif olsa, gedə bilərəm. Çox sag olsun ki, "Sumqayıt" rəhbərliyi, buna razılıq verdi".
XANOĞLAN