«Klub rəhbərliyi daim komandanın baş məşqçisi Visente Qomeslə təmasdadır»,
Bu sözləri Sportinfo.az-a açıqlamasında «Sabah»ın press-ateşesi Elnur Həmidov deyib.
O, Premyer Liqanın son 6 turunda məğlubiyyətlə üzləşən kollektivin qarşısına qoyulan hədəf barədə bunları söyləyib:
«Komanda dünəndən məşqləri bərpa edib. Əsas komandanın 7 futbolçusu millilərin düşərgəsində olduğuna görə məşqlərdə iştirak edə bilmir.
Rəhbərlik mütəmadi olaraq komandanın vəziyyəti ilə maraqlanır, nəticələr müzakirə edilir.
Qarşıya qoyulmuş əsas məqsəd növbəti oyunlardan yaxşı nəticə ilə ayrılmaqla, turnir cədvəlində hazırkı vəziyyətimizi müsbətə doğru dəyişməkdir».