"Sabah" rəhbərliyi ötən mövsüm əsas komandaya cəlb olunan Emil Qasımovla yollarını ayırıb.
"Kəpəz"in təklifinə müsbət cavab verən Masazır təmsilçisi onun keçidinə şərait yaradıb.
20 yaşlı hücumçu Gəncə təmsilçisi ilə cari mövsümün sonunadək müqavilə bağlayıb. Bu, AFFA mənsublarının "Sabah"a müraciətindən və xahişindən sonra rəsmiləşib.
Qasımovun problemi özündən qaynaqlanırdı. O, klubun 3 illik yeni müqavilə təklifini qəbul etməmiş, maaşının qaldırılmasını istəmişdi. Odur ki, cari mövsümün əvvəlində komandadan kənarlaşdırılmış, daha sonra əvəzedici heyətə göndərilmişdi.
SPORTİNFO.AZ