«Sabah» Azərbaycan ordusuna əməli dəstək nümayiş etdirib.
Sportinfo.az-ın məlumatına görə, klub qələbə uğrunda rəşadətlə döyüşən ordumuza dəstək məqsədilə Silahlı Qüvvələrimizin Yardım Fonduna 50000 manat ianə köçürüb.
Ümumiyyətlə, Premyer Liqa təmsilçisi bu kimi məsələlərə kifayət qədər həssas yanaşır. Premyer Liqanın V turu çərçivəsində evdə “Keşlə” ilə qarşılaşan “Sabah” matça xüsusi forma ilə çıxıb.
Formanın ön hissəsində “Karabakh is Azerbaijan!” (Qarabağ Azərbaycandır!) yazısı, arxa hissəsində isə Ermənistan ordusunun açdığı atəş nəticəsində həlak olmuş 13 yaşlı futbolçu Şəhriyar Qurbanovun adı həkk olunub.
