Dünən “Sabah”da yeni təyinatlar rəsmiləşib.
Baş məşqçi Visente Qomes özünə 2 köməkçi götürüb.
Onlardan biri ukraynalı Qleb Platovdur. O, karyerası ərzində “Dinamo”nun (Kiyev, Ukrayna) gənclərdən ibarət komandasında, Qətərin U-23 milli komandasında və “Aspire Akademiyası”nda məşqçi kimi çalışıb.
Məşqçilik karyerasına Bilbao “Atletik”inin akademiyasında başlamış Xesus Pinedo isə bu günə kimi Qətərin “Aspire Akademiyası”nda, həmçinin “Sestao River” (İspaniya), “Əl-Əhli” (Səudiyyə Ərəbistanı), “Dinamo” (Kiyev, Ukrayna), “Pafos” (Kipr) klublarında və Qətərin əsas və olimpiya yığma komandalarında fəaliyyət göstərib.
Yeni məşqçi heyəti nə vaxt işə başlayacaq?:Klubun mətbuat xidmətinin rəhbəri Elnur Həmidov bununla bağlı Sportinfo.az-a deyib:
“Mövcud vəziyyətlə, yəni, koronavirus pandemiyası ilə əlaqədar sərhədlərin bağlanması səbəbindən onların ölkəmizə dəqiq nə vaxt gələcəyini demək mümkün deyil. Ancaq bu ayın sonuna kimi gəlmələri planlaşdırılır“.
