“Qalatasaray”ın sabiq hücumçusu Yesse Sekidika Azərbaycana gəlib.

O, dünəndən bəri Bakıdadır və tibbi müayinədən keçib.

Onu bura gətirən “Sabah”dır. Bu gün Türkiyə mediası belə bir xəbər yayaraq, saytımızn hələ sentyabrın 1-də üzə çıxardığı məlumatı təsdiqləyib (https://www.sportinfo.az/idman_xeberleri/sabah/178979.html).

Nigeriyalı hazırda azad agent statusu daşıyır. Bundan yararlanan “Sabah” onunla müqavilənin şərtlərini razılaşdırmağı bacarıb.

27 yaşlı afrikalı Premyer Liqanın gümüq medalçısı ilə 2 illik anlaşıb.

Forvard 2019-cu ilin əvvəlində “Neftçi”nin Antalyadakı təlim-məşq toplanışına qoşulmuşdu.

“Ağ-qaralar”ın həmin vaxtkı baş məşqçisi Roberto Bordin onun hazırlıq durumundan razı qalmadığından, rəhbərlik müqavilədən imtina etmişdi.

2020-ci ildə Fatih Terimin istəyi ilə “Qalatasaray”la anlaşan Sekidika iki il müxtəlif klublarda icarə əsasında çıxış edib.

Nigeriyalı 2016-2018-ci illəri «Napredak Kruševac»da keçirib. Karyerası əsasən Türkiyə ilə bağılıdır. 2018-ci ilin yayında «Eskişehirspor»la müqavilə imzalayıb.

Daha sonra «Qalatasaray»a transfer olunub. İstanbul nəhəngi ilə 2 illik anlaşan, bu müddətdə 12 oyuna çıxıb 1 qol vuran Sekidika bu müddətdə 3 kluba icarəyə verilib.

Sırasıyla «Konyaspor», « OH Leuven » və «Eyübspor»un düşərgəsində yer alıb. Sonuncular 2022-ci ildə onun transfer hüququna yiyələnib, bu ilin əvvəlində isə «Ümraniyespor»a icarəyə verib.

Nigeriyalı Coşqun Diniyevin yeni komandasında qalmaq istəmədiyindən, «Sabah»ın gələn təklifə müsbət yanaşıb.

SPORTİNFO.AZ