Millinin qapıçısı Səlahət Ağayev növbəti mövsümə də «Sabah»da başlaya bilər.
Masazır klubu ötən ilin yayında «Neftçi»dən sıralarına qatdığı kiperlə danışıqlara başlayıb.
Görüşmələr uğurla nəticələnsə, onunla sözləşmənin müddəti 1 il uzadılacaq. Bunun üçün o, əməkhaqqısının azaldılmasına razıdır.
Ağayev «Sabah»ın ən ödənişli yerli futbolçularından biridir. Buna baxmayaraq ki, o, artıq burada əsas heyət üzvü deyil.
Murad Musayev bir neçə turdur ki, «çərçivə»ni gənc Yusif İmanova tapşırıb.
SPORTİNFO.AZ