.jpg)
Azərbaycan Premyer Liqasında XXIV turun daha bir oyunu keçirilib.
Sportinfo.az xəbər verir ki, "Sabah" Masazırda "Şamaxı"nı qəbul edib.
"Bank Respublika Arena"da baş tutan qarşılaşma meydan sahiblərinin 5:1 hesablı qələbəsi ilə yekunlaşıb.
Hesabı 11-ci dəqiqədə paytaxt təmsilçisindən almaniyalı Coy-Lens Mikels açıb. 25-ci dəqiqədə Zurab Oçiqava fərqi artırıb. 4 dəqiqə sonra Mikels özünün 2-ci, komandasının 3-cü qolunu vurub.
50-ci dəqiqədə Felipe Santos fərqi azaltsa da, komandası 84-cü dəqiqədə Xulio Sezar Rodrigesin, 5 dəqiqə sonra isə Aleksey İsayevin fərqlənməsinə mane ola bilməyib.
Oyunun əsas vaxtına əlavə olunmuş 2-ci dəqiqədə qonaqların müdafiəçisi Franko Flores birbaşa qırmızı vərəqə ilə meydandan qovulub.
Bu qələbə ilə xallarını 35-ə çatdıran "Sabah" turnir cədvəlində "Qəbələ"ni qabaqlayaraq, 4-cü pilləyə yüksəlib. 20 xalı olan "Şamaxı" isə 6-cı sırada qalıb.
