“Doğru danışmaq lazımdır, “Sabah” yaxşı formadadır, səviyyəli futbolçuları var“.
Bu sözləri Sportinfo.az-a açıqlamasında millinin sabiq yarımmüdafiəçisi Cavid Hüseynov deyib.
Ötən yay karyerasını bitirən orta sahə oyunçusu Masazır təmsilçisinin avrokuboklara iddiası barədə danışıb.
Sitat: “Psixoloji baxımdan yüksəlişdədirlər. Əsas üstünlükləri odur ki, bu gün “4-lük”də olan komandalardan fərqli, onlar kubokda oynamayacaq.
Bu, çox böyük üstünlükdür. Amma indidən nəsə demək çətindir. Son 6 tur həlledici mərhələ olacaq. Maraqlı çempionat izləyirik.
Taktiki-texniki, fiziki, psixoloji cəhətdən hazır olan komanda yekunda istəyinə çatacaq.
Bu gün heç kim çempionatın son mənzərəsi ilə bağlı dəqiq proqnoz verə bilməz. Çünki komandaların gücü aşağı-yuxarı eynidir”.
