Premyer Liqanın 22-ci turunda “Zirə“ ilə qarşılaşan (3:1) “Sabah”ın ikinci qolunun müəllifi Coy-Lens Mikels mövsümdə 9-cu dəfə fərqlənib.
Sportinfo.az xəbər verir ki, almaniyalı hücumçu klub tarixinə bir mövsümdə ən çox qol vuran futbolçu kimi düşüb.
Mikels 2018/19 mövsümündə 8 dəfə fərqlənən Marko Deviçi arxada qoyub.
Coy-Lens həm də klub tarixinin Premyer Liqadakı ən məhsuldar futbolçusu adına şərik çıxıb. O, 9 qol vuran Deviçə çatıb.
Serb əsilli ukraynalı 2018/19 mövsümündə 8, növbəti çempionatda 1 dəfə qola sevinib.
