"Sabah"ın almaniyalı legioneri Coy-Lens Mikels klub rekordunu təkrarlayıb.
Sportinfo.az PFL-in saytına istinadən xəbər verir ki, o, klub tarixində bir mövsümdə ən çox qol vuran futbolçu adına şərik çıxıb.
Mikels cari çempionatda 8 dəfə fərqlənib. Hücumçu buna “Sumqayıt”la matçda nail olub. Hesabında 7 qol olan legioner komandasının 3:0 hesablı qələbəsinə töhfə verərək 8-ə çatıb.
"Sabah”ın heyətində bir mövsümdə ən çox qol vuran oyunçu Marko Deviç idi. Ukrayna vətəndaşı olan serb futbolçu 2018/19 mövsümündə 8 dəfə rəqib qapısına yol tapıb.
