Sportinfo.az xəbər verir ki, “Sabah”da istirahət dönəmi bu gün başa çatıb.
Baş məşqçi Murad Musayev dünən Krasnodardan Bakıya gəlib, futbolçular da tam tərkibdə tibbi baxışdan keçib.
Hazırlıq ayın 12-nə kimi Bakıda, yanvarın 12-26-sı aralığında isə Türkiyənin Antalya şəhərində baş tutacaq.
Toplanış çərçivəsində 3 yoxlama oyunu olacaq. Rəqiblərdən ikisi (Macarıstanın “Pakş” və Serbiyanın “Mladost”) bəllidir. Digər rəqibin kimliyinə qarşıdakı günlərdə aydınlıq gələcək.
Təlim-məşq toplanışına bir neçə əvəzedici heyət üzvünün də qatılacağı ehtimal olunur. Lakin bununla bağlı qərarı Murad Musayev verməlidir.
