“Sabah”ın qış fasiləsində yollarını ayırmağa hazırlaşdığı ilk futbolçunun kimliyi bilinib.
Bu, baş məşqçi Murad Musayevin “qara siyahı”sına düşən Mixeil Erqemlidzedir.
Daha iddialı kollektiv qurmağın planlarını cızan rusiyalı çalışdırıcı gürcü hücumçu ilə yola davam etməyin əleyhinədir.
Masazır klubu yayda 22 yaşlı legionerlə 3 illik müqavilə bağlayıb.
“Dinamo”nun (Tbilisi, Gürcüstan) yetirməsi olan Erqemlidze karyerası ərzində bu klubun əsas komandası ilə yanaşı, Gürcüstanda “Çixura” və “Qaqra”, həmçinin Türkiyədə “Adana Demirspor”un formasını geyinib.
SPORTİNFO.AZ
