“Sabah”ın qapıçısı Saşa Stamenkoviç karyerasını yenidən Qazaxıstanda davam etdirə bilər.
Sportinfo.az xəbər verir ki, bu barədə Qazaxıstan mətbuatı məlumat yayıb.
Bildirilir ki, 36 yaşlı qolkiper “Aktobe”nin maraq dairəsindədir. 2016/17-ci illərdə bu ölkədə “Okjetpes”in formasını geyinən serbiyalı “Aktobe”yə keçməyə çox yaxındır.
Komandanın baş məşqçisi Vladimir Muxanov bu transferdə şəxsən maraqlıdır.
2018-ci ildən “Sabah”ın formasını geyinən Saşa Stamenkoviç bu mövsümü əsasən ehtiyatda keçirir. Onun bakılılarla müqavilə müddəti gələn ilin yayına qədərdir.
