Bu gün Azərbaycan Premyer Liqasında IX tura yekun vurulacaq.
Bu dəfə azarkeşlər Qəbələ və Sumqayıtdakı matçlara şahidlik edəcək.
Əvvəlcə mövsümün müsbət və mənfi mənada sürpriz komandaları olan “Qəbələ” ilə “Sabah” üz-üzə gələcək.
İlk qələbəsini ötən turda qazanan bakılılar Murad Musayevlə müqavilə bağlamasına baxmayaraq, səfər görüşünə baş məşqçisiz çıxacaq.
"Sabah"ın Fil Dişi Sahilindən olan hücumçusu Tiemoko Fofana Sportinfo.az-a iddialı açıqlama verib. O, bu matçda da qələbəyə iddialı olduqlarını deyib:
"Rəqib turnir cədvəlinin ilk pillələrində qərarlaşıb. Lakin biz də özümüzə inanırıq. Əlimizdən gələni edəcəyik ki, səfərdə yaxşı nəticə qazanaq".
