"Qəbələ" çempionatın ən formada olan komandalarından biridir. Güclü rəqibə qarşı səfərdə oynayacağıq”.
Bu sözləri Sportinfo.az-a açıqlamasında “Sabah”dan Elvin Camalov deyib.
Premyer Liqanın cari mövsümündə ilk qələbəni ötən həftə “Sumqayıt” üzərində əldə edən (3:0) “tələbələr” sabah səfərdə meydançaya çıxacaq.
Növbəti rəqib sezonun surpriz komandası "Qəbələ"dir. 28 yaşlı yarımmüdafiəçi bölgə klubu ilə matç haqda bunları deyib:
“Ümumiyyətlə, çempionatda zəif komanda yoxdur. Hər rəqib 3 xal üçün meydanda sona kimi mübarizə aparır.
İnanıram ki, azarkeşlər maraqlı futbol izləyəcəklər. Biz isə əlimizdən gələni edəcəyik ki, çətin səfər oyunundan yaxşı nəticə ilə ayrılaq".
