"Sabah"ın baş məşqçisi Ramin Quliyevin mərkəz müdafiəçisi axtarışları davam edir.
Gənc mütəxəssis bu dəfə həmin mövqeyə braziliyalı legioner dəvət edib.
Son klubu "Fluminense"nin U-20 komandası olan Hiqor Qabrile artıq düşərgədədir.
O, paytaxt təmsilçisinə yoxlanışa gəlib. Əgər sınaqdan uğurla keçsə, o zaman müqavilə imzalanacaq.
Heç də yaxşı cv-si olmayan müdafiəçi ilə bağlı qərar, görəsən, nə vaxt veriləcək? Ümumiyyətlə, Qabriel "Sabah"ın düşərgəsinə nə vaxt qoşulub?
Masazır təmsilçisinin mətbuat xidmətinin rəhbəri Elnur Həmidov Sportinfo.az-a açıqlamasında qısaca olaraq bunları dedi:
"Mərkəz müdafiəçisidir. Üç gündür komandanın düşərgəsindədir. Neçə gün qalacağı isə hələ bəlli deyil. Ümumiyyətlə, qalıb-qalmayacağına komandanın məşqçilər korpusu qərar verəcək".