.jpg)
Hər nə qədər qəribə səslənsə də, 5-ci turun mərkəzi qarşılaşması Sumqayıtda baş tutacaq.
6 xalla 5-ci pillədə qərarlaşan “kimyaçılar” turnir cədvəlinin lideri “Qəbələ”ni qəbul edəcək.
Diqqətdən qaçıranlar üçün bir daha xatırladaq ki, bölgə təmsilçisi cari mövsümdə keçirdiyi 4 görüşün heç birində məğlubiyyət acısı dadmayıb.
“Sabah”, “Keşlə” və “Səbail”i məğlub edib, “Neftçi”ylə bərabərə qalıblar.
Budəfəki səfər Sumqayıtadır. 2011-ci ildən bu yana komandalar arasında Sumqayıtda 17 oyun baş tutub.
7 halda qəbələlilər qələbə sevinci yaşadığı halda, 4 dəfə sumqayıtlılar sevinib. Daha 6 matç isə heç-heçə başa çatıb.
Uğurlu nəticələrin əksəri “Qəbələ”nin imkanlı vaxtları na təsadüf etdiyindən, bundan öncəki 2 mövsümə nəzər salmaq yerinə düşər.
Komandalar 2019-un payızından bu yana “Kapital Bank Arena”da 3 dəfə qarşılaşıb. 1 dəfə meydan sahibləri sevinib, 1 dəfə qonaqlar, daha 1 halda bərabərlik qeydə alınıb.
Ümumiyyətlə, “kimyaçılar” bu rəqibinə son 5 ev matçının yalnız birində boyun əyib. “Qəbələ” isə son 6 qarşılaşmanın yalnız birində, bu ilin aprelində meydanı qolsuz tərk edib.
SPORTİNFO.AZ
