Bir ümddət əvvəl AFFA tərəfindən işlə təmin edilən Ramin Quliyev tezliklə əsl peşəsinə dönə bilər.
Bu haqda Sportinfo.az-a federasiyadan bildirilib.
FİFA tərəfindən bütün milli assosiasiyalarda tətbiq olunan İstedadların İnkişaf sisteminin işçi qrupuna üzv qəbul edilən 41 yaşlı mütəxəssis məşqçilik sahəsinə dönməyə hazırlaşır.
Quliyev “Sabah”da idman direktoru və köməkçi-məşqçi vəzifələrində çalışıb. O, 2021-ci ilin mart ayından oktyabra qədər əsas komandanın baş məşqçisi olub.
“Pro“ kateqoriyalı çalışdırıcı “Qəbələ“nin gündəmindədir. Bundan AFFA-dan xəbərdardılar.
Əyalət klubu vaxtilə burada işləmiş Quliyevlə anlaşma əldə edərsə, federasiya onun hazırkı vəzifəsindən ayrılmasına icazə verəcək.
Ramin bəy «Qəbələ»yə yaxşı tanışdır.
İllər əvvəl bu klubda çalışıb – akademiyada təcrübə keçəndən sonra əsas komandada fəaliyyət göstərib. Roman Qriqorçukun köməkçisi kimi.
Onun indinin özündə də klub rəhbərliyi ilə münasibətləri əladır. Baş menecer Nail Kərimovla əlaqələri daha yaxın və sıxdır.
